On Seeing One on a Lady's Bonnet at Church
Ha! whare ye gaun' ye crowlin ferlie?
Your impudence protects you sairly;
I canna say but ye strunt rarely
Owre gauze and lace,
Tho faith! I fear ye dine but sparely
On sic a place.
Ye ugly, creepin, blastit wonner,
Detested, shunn'd by saunt an sinner,
How daur ye set your fit upon her--
Sae fine a lady!
Gae somewhere else and seek your dinner
On some poor body.
Swith! in some beggar's hauffet squattle;
There ye may creep, and sprawl, and sprattle;
Wi' ither kindred, jumping cattle;
In shoals and nations;
Whare horn nor bane ne'er daur unsettle
Your thick plantations.
Now haud you there! ye're out o' sight,
Below the fatt'rils, snug an tight,
Na, faith ye yet! ye'll no be right,
Till ye've got on it--
The vera tapmost, tow'rin height
O' Miss's bonnet.
My sooth! right bauld ye set your nose out,
As plump an grey as onie grozet:
O for some rank, mercurial rozet,
Or fell, red smeddum,
I'd gie you sic a hearty dose o't,
Wad dress your droddum!
I wad na been surpris'd to spy
You on an auld wife's flainen toy
Or aiblins some bit duddie boy,
On's wyliecoat;
But Miss's fine Lunardi! fye!
How daur ye do't?
O Jeany, dinna toss your head,
An set your beauties a' abread!
Ye little ken what cursed speed
The blastie's makin!
Thae winks an finger-ends, I dread,
Are notice takin!
O wad some Power the giftie gie us
To see oursels as ithers see us!
It wad frae monie a blunder free us
An foolish notion:
What airs in dress an gait wad lea'es us,
An ev'n devotion!
Did you like this poem? Why not receive free classic poems by email? Subscribe
More Poems by Robert Burns
• A Grace Before Dinner
• A Red, Red Rose
• Address To a Haggis
• Comin Thro' the Rye
• Mary Morison
• To a Louse
• To a Mouse
Also Read Poems by
• Alfred, Lord Tennyson
• Edgar Allan Poe
• Elizabeth Barrett Browning
• Emily Dickinson
• George Gordon, Lord Byron
• Henry Wadsworth Longfellow
• Hilaire Belloc
• John Donne
• John Keats
• Lewis Carroll
• Robert Frost
• Robert Browning
• Robert Herrick
• Robert Louis Stevenson
• Rudyard Kipling
• Samuel Taylor Coleridge
• Sarah Teasdale
• Thomas Hardy
• Walt Whitman
• William Blake
• William Butler Yeats
• William Wordsworth
Robert Burns To a Louse - Poem Lyrics - Robert Burns - To a Louse
